سيدى الرئيس ..أما بعد .

سمير المسلمانى

بنتفق بنختلف لمصلحه البلد

شوفنا مصر بشكل مختلف مفيش جاحد كارهه للبلد يقدر يتشكك فى كل شىء جميل اتعمل

ناس كتير مابيقدروش اللى اتعمل معلش محتاجين كشف نضارة

ناس حابه تهدم وانتم ياسيدى تنبى ..والبناء يعلو ويعلو

حتى أصبحت مصر ماتتمناه ونحن نتمناه

صحيح اتنفخنا من القرارات والاسعار واتهرسنا والفلوس مش موجودة ولو موجودة ملهاش لازمه لكن بلدنا تفرح أصبحت لمصر مكانه سيبكم بقه من عشرة تلاف سنه حضارة وتاريخ وبطيخ أحنا كنا مداس علينا تحت الارض فى الوبا .

.الحمد لله أصبح لنا شكل ولنا هيبه وبالادب الكل بيعمل لنا الف حساب

سيدى الرئيس شكرا على تعبك

سيدى الرئيس ظلموك كتير قالوا عليك مقاول قالوا عليك كتير لكن بالفعل كل يوم بتخرس السنه بالعمل

ولم تكذب يوم ان قلت بكرة تشوفوا مصر

صحيح أصبحت مصر موجودة رغم الفساد

والامر ياسيدى يحتاج نظرة رغم الظروف المحيطه بنا والكارهين لنا نظرة للداخل والاجهزة تتحرك وتشتغل شويه مش عايز اتكلم عن امور كثيرة يعانى منها المواطن لكن الحمد لله كل شىء موجود ومفيش حاجه ناقصه غاليه مش مهم لكنها موجودة ومتوافرة مفيش حد اصبح له حجه ولاالخونه يقدروا يمسكوا علينا واحدة لان الحمد لله مصر فى امان قضاء شامخ رجال جيش اسود على الحدود شرطه ناس محترمه والتعامل ادامى والمواطن عندة الوعى الكافى انه يقف مع سيادتكم فى كل الظروف ويساندكم رغم مايعانيه فالمواطن المصرى هو من تعول عليه وهو سندك وظهرك

الرئيس السيسي ماسك دماغ ماكرون في المترو مبيفصلش عمال يتفق و يفاصل معاه في غايه ال لذاذه… انا أقدر مجهودكم لما تقوم به عشان من يوم ما مسكت الحكم وانت تحاول ان توصل ب مصر للمكانه الي تستحقها… و مصر أصبحت حاجه تانيه خالص علي ايدك و لا ينكر ذلك جاحد او أعمي.. اه اتنفخنا معاك. . نتنفخ و نشوف البلد كل يوم أحلي… !!!! . الحمد لله اللى جاى احلى

أعجبنى فصالكم .. هو بيفاصل عشان مصر كل يوم تبقي متطوره آكتر و كل يوم احلي و يسيب وراه بنيه تحتيه في غايه العظمه عشان راحه المواطن هتفضل للأبد مسجله ب اسمه.

هى رسالتى سيدى الرئيس فشكرا لكم

وللحديث بقيه.